მეღვინეობა ბედიანი
ჩვენი მეღვინეობის ფილოსოფიის ფესვებს წარმოადგენს საქართველოს ბუნებრივი მემკვიდრეობა. ჩვენი მთავარი მიზანია ტრადიციისა და გამოცდილების დაბალანსება თანამედროვე ინოვაციებთან. შესაბამისად, ჩვენი მეღვინეობის ფილოსოფიის ქვაკუთხედი მდგომარეობს შემდეგში:
ჩვენი მეღვინეობის ფილოსოფიის საწყისი წერტილია - „დიდებული ღვინო იქმნება ვენახში“. მდგრადი სამუშაო მეთოდები, უზარმაზარ შრომასთან ერთად, საშუალებას გვაძლევს შევინარჩუნოთ ვენახის სტაბილური მდგომარეობა. ჩვენ ვცდილობთ, რომ ადგილობრივი პირობების გათვალისწინებით ვაწარმოოთ უმაღლესი ხარისხის ღვინო, რომელიც ამავდროულად წარმოდგენილი იქნება როგორც, უნიკალური ქართული ღვინო.
მეღვინეობა ორიენტირებულია აწარმოოს საშუალო და პრემიუმ სეგმენტის პროდუქცია საკუთარი ვენახებიდან, რომლებიც მდებარეობს კახეთში, ქინძმარაულის მიკროზონაში.
შპს აქტო წარმოადგენს ხარისხზე ორიენტირებულ ალკოჰოლური სასმელების მწარმოებელ კომპანიას, რომელიც პროდუქციას აწარმოებს ქართული ჯიშის ყურძნისაგან: რქაწითელი, საფერავი, მწვანე, ქისი, ხიხვი, ალექსანდროული, მუჯურეთული, ციცქა, ცოლიკოური და სხვა.
კომპანია ღვინოს აწარმოებს როგორც ევროპული ისე ქართული ტრადიციული მეთოდით. ასევე, აწარმოებს ქართულ ბრენდის და ორი სახეობის ჭაჭას.
საკუთარი ვენახიდან მოწეული ყურძენი, მეღვინეობის თანამედროვე ტექნოლოგიები და ღვინის წარმოების ფილოსოფია, საშუალებას გვაძლევს, ვაწარმოოთ პროდუქცია ქართული მეღვინეობის უძველესი ტრადიციების დაცვით.
